Haaparanta
Ros-Mari Barmosse oon jo monta vuotta tehny töitä Tornionlaakson teatterille. Se oon energinen ihminen joilla oon monta hyviä iteoita.
Tuleeks följhyyn? Soita taikka laita viestin Ros-Marille: ros-mari(at)tornedalsteatern.se/ 070-328 03 73.
Lapset ja nuoret
Jos käyt teatterissa Haaparannan kulttuurikoulussa niin saat Ros-Mari teatterijohtajaksi. Silloin ja tällöin met tehemä suuria hienoja näytelmiä missä musiikki-, tanssi- ja teatteriopiskelijat tekevät yhteistöitä seenilä.
Hae kulttuurikoulhuun Haaparannan kunnan kautta
Höntöset pansunäärit roosanfärissiä pilvessä, 2019
Raahvat amatöörit
The Happy Crew
The Happy Crew ryhmässä oon henkilöitä joila oon eriä kehitysvariaatioita. Net rakastavat pelata teatteria, laulaa ja tanssia.
Imagine, 2019. Kuva: Lasse Stenman
Vireä saki
Haaparannalla oon mahtava jängi amatöörinäytteliöitä joka tekkee näytelmän näytelmän jälkheen. Heti ko premiääri oon valmis niin seuraava harjotus ootaa.
Kesä 2024 tehtiin iso kesäteatteri Karungissa joka kerroi siirtolaisista silloin ko ihmiset muutti Ameriikhaan. Richard Lidberg kirjoitti maanys ja ohjaaja oli Bror Astermo.
