MYRSKYSSÄ LEPPÄÄN
I STORMEN VILAR JAG
BÏEGKESNE MANNE LÏEGKEDEN
IN THIS STORM I REST
Jaloissa sykkii ja kuulokalvoissa samoin, jää ja lumi tarttuvat minun hamheishiin, tukka liimaintuu niskhaan ja päivä loppuu ennen ko mie sen tehen. Mie kuulen niitten viskuttelemiset ja tunnen niitten silmäykset. Mutta minun päässä polttellee vain yks ajatus: Paina pääle – rakentaa, lua, akiteerata!
MYRSKYSSÄ LEPPÄÄN oon uusi seenitaiteteos ryhmältä Teater Char Da Mar joka huomioittee niitä vaihmoja jokka tehit Norrbottenin, Sápmin ja Meänmaan semmoseksi ko se oon tänä päivänä. Räjähtävässä teatterikokemuksessa senukrafiissa joka oon jäästä ja lumesta, ulkona Tornion väylän jään päälä kerrothaan kolmen vaimon elämänkohtalosta lähtien 1900-luvun alusta.
MYRSKYSSÄ LEPPÄÄN yhistää uuskomppuneerattua musikkia, laulua, tansia ja teatteria ette kertoa unhoutetuitten piunjääritten histuurioita, ympäristössä ilman miehisiä silmäyksiä. Tornionväylän jää tullee arenaksi kertomuksille seikkailuista, vääryyksistä ja kapinoista. Viimen vihtoin se joka pitkhään oon ollu piilolossa lumessa tullee esile sulassa.
Teater Char Da Mar oon Norrbottenilaisperustettu aivan vaimonen vaparyhmä joka luopii feminististä seenitaitetta neljäle pohjoisiimalle läänile. Seuraa Teateria Char Da Mar sosiaalissa meetioioissa niin saat jatkuvasti aijantasotettua uutta tietoa. Facebook & Instagram: @teaterchardamar
