Lydia Nordenstrand synnytti 20 lasta. Yksi niistä sai nimen Sekel ko se synty vuona 1900. Sekel kasusi ylös Seittenkaarela ja alko töihin Granviikin sahala kakstoistavuotihaana. Sillon jo hään puhu ette hään halusi tulla kirjailiaksi: ” Ei mikhään saata estää minua kirjottamasta”. Mutta kirjailian elämä ei ollu aina niin helppo.
Sekel Nordenstrand ei saanu koskhaan niin paljon lukioita, mutta se sai ussein hyviä resensuunia ja killausta. Ota ossaa Sekelin elämästä tässä leikkisässä näytelmässä kirjotushalusta, poliittisistä tapahtumista, Klarapuheemista ja elämästä Seittenkaarela varhain 1900-saanluvula.
Maanyskirjailian ajatukset
Yhtenä kesäpäivänä viis vuotta sitten sain kysymyksen jos mie tunnen kirjailia Sekel Nordenstrand. Sitä en tuntenu. Silloin mie sain kirjan missä Seekeli oli kirjoittanu novellejä.
Minun uteliaisuus Seekelhiin heräsi varsin.
Kahesta syystä:
– Mitä hän kertoo hänen romaanheissa, novellheissa ja runhoissa mie halvan nosta ylös. Hänen kirjailisuus ansaittee enämpi lukioita.
– Hänen elämä ja taistelu olemisheen oon erikoinen. Yheksäntoista siskoa, vain jonku vuoen koulussa, raskas kuorma elättää perheen, hän kuitenki lykkäistyy ja tuli kirjailiaks.
Tästä häymä kertoa.
Tomas Bresky
