Vanhat laulut oon esitys jossako kaks satua inspireeratut Kalevalan lauluista, kerrothaan amatööriryhmältä prätisevän valkean ympäri. Lapsile kerrothaan satuja suorassa kontaktissa satuja mystiikala ja huumorilla. Enkkeltti rekvisiitta ja senukrafii joka innostuttaa fanttasiita; filtti saattaa olla muuttua taihvaaksi, vastasynnytetyksi lapseksi elikkä vaaroiksi ja kumpuloiksi. Yhelä kertojalla oon vastuu pääkertomuksesta, meänkielelä, samala ko ryhmä näyttellee ja komenteeraa ja selvittää niin meänkeilelä, ruottiksi ja suomeksi. Esitystä mennee näyttää eri pelipaikoissa, mutta parriiten ulkona ympäri elävän valkean jonka ympäri kaikin saattavat kokkointua. Sillä mallin saapii tunnelman ette kertoa satuja lääkerivalkean ympäri, niinku met olema tehneet tuhansia vuosia.
Näytelmä oon noin 25 min pitkä. Pane oorninkhiin vaatheeseen.
Maanys: Edvin Löfgren
Seenilä: Harry Timander, Rainer Timander, Hillevi Rantatalo och Gry Lindblom Rosling.
Afissikuva: Booby Rösehag
Käännös: Anton Hennix Raukola
Näytelmät plaanissa
Tuorestai 25 jan klo 9 ja 10
Stadshustorget, Kiirunassa
Lauantai 27 jan klo 14
Vassaratorget, Jellivaarassa
Lauantai 24 fep klo 11:30 ja 13:30
Soltorget, Pajalassa
Teatteriprojekti Vanhat Laulut tehhään yhtheistyössä Kirunan Amatööriteatteriföreninkin kansa ja sitä tukevat Instityytti Kielile ja Kansanmuistoile, Kirunan kunta, Jällivaaran kunta ja Pajalan kunta.
